Impulsar as compras no comercio de proximidade. Este é o obxectivo do Bono Activa Comercio, o programa da Xunta que xa mobilizou preto de 5 millóns de euros en vendas. E é que son máis 166.000 os consumidores de toda Galicia que descargaron todos os descontos de 30 euros dispoñibles a través deste programa, e teñen agora ata o 31 de decembro para realizar as súas compras.
Os establecementos comerciais de Galicia que queiran aumentar as vendas aínda están a tempo de sumarse a esta iniciativa. O prazo para facelo está aberto ata o vindeiro mércores, 30 de novembro. Polo de agora, son máis de 6.000 os establecementos que forman parte da iniciativa. Os detalles para unirse, nesta ligazón.
Ademais do Bono Activa Comercio, a Xunta ten en marcha outras iniciativas para apoiar ao tecido empresarial galego. Unha delas é o Igape Responde, o programa que ofrece asesoramento gratuíto e en liña a empresas, persoas autónomas e emprendedoras.
Este soporte inclúe axuda en temas financeiros, de promoción en liña, na dixitalización dos negocios, entre outros. Só tes que indicar a túa necesidade a través do formulario e unha persoa experta vai contactar contigo: