O programa Igape Responde xorde para apoiar e asesorar aos autónomos e pemes de Galicia como consecuencia da emerxencia sanitaria e a crise económica na que estamos inmersos co obxetivo de adaptarnos ao novo escenario.
Algunhas das accións que estamos a realizar dende o ámbito persoas son as seguintes:
A- Un servizo de consulta rápida.
Tes dúbidas en aspectos legais o estructurais do teu cadro de persoal? Algunhas das consultas recibidas son relativas aos ERTE, despidos, contratacións, teletraballo…
Tamén xorden consultas relacionadas coas dúbidas e interpretacións respecto ás medidas de seguridade e saúde a aplicar nos diferentes territorios.
Podes facer unha consulta, un asesor experto vaite asesorar.
B- Un servizo de consultoría consistente na implantación de medidas concretas ó longo de ata 25 horas para mellorar o ámbito dos RRHH e xestión do capital humano da empresa.
Queres mellorar a motivación e retención dos equipos?
Moitas das consultas que nos están a facer, son resultado da preocupación da dirección e os responsables de recursos humanos das empresas pola saude mental e psicolóxica dos equipos. Neste senso as sesións de coaching ben individual, ben grupal están sendo de gran axuda. Traballar o salario emocional, facer enquisas de clima laboral e os seus plans de acción e mellorar a motivación dos equipos de vendas a través de diferentes técnicas, son algunhas das medidas máis demandadas polas empresas.
Necesitas readaptar o teu modelo organizativo?
A crise sanitaria provocou cambios e detectou debilidades na estructura organizativa das empresas. Faise necesario reordenar ó capital humano.
Que podemos facer dende Igape Responde? Moitas empresas solicitan apoio para a redefinición de organigramas. Tamén nos solicitan novas fichas de perfís de postos con novas funcións, tarefas e competencias adaptadas ás novas necesidades post-covid, adaptar as empresas ao teletraballo, mellorar as habilidades e competencias necesarias trala crisis sanitaria, son outras das acción solicitadas.
A dimensión do teu cadro de persoal é axeitada?
A incerteza e os continuos cambios lexislativos fan que a planificación laboral para adaptar os cadros de persoal ás necesidades das empresas sexa máis necesaria que nunca. En moitos casos, a supervivencia da empresa dependerá dunha axeitada planificación dos custos salariais a curto e medio prazo.
Podemos axudarche a facer un informe dos custos salariais e elaborar o presuposto para os vindeiros meses, así como asesorarte en ERTEs, seguridade e saude no posto de traballo, e todo o relacionado co aspecto xurídico-laboral.
Non esquezas que, ademais do ámbito persoas, dende os ámbitos xeral, negocio, operación e financiero tamén podemos axudarche a aproveitar as oportunidades, e adaptarte ao novo contexto.
So tes que solicitalo a través do enlace.