A reforma das pensións aprobada polo Goberno introduce cambios importantes no sistema actual. Estas son as principais novidades dunha norma que entrará en vigor a partir do 1 de abril.
A contía poderá calcularse cos últimos 25 ou 29 anos cotizados:
Amplíase o período de cómputo que se toma para saber canto se cobrará de pensión e por primeira vez establécese un modelo dual, é dicir, para saber a contía da pensión a persoa poderá utilizar os últimos 25 anos cotizados ou os últimos 29 da súa vida laboral. Se elixe esta última opción tamén poderá rexeitar os dous anos que menos lle beneficien.
Cando se poderá elixir entre as dúas opción?
A posibilidade de ampliar e rexeitar o período menos favorable non será automático, realizarase de forma progresiva durante doce anos que comezarán a contar a partir de 2026. Ata 2040 poderá elixirse entre esta opción e os últimos 25 anos, entre 2041 e 2043 haberá un período transitorio. Desta forma, a primeira das opcións (25 anos) subirá cada seis meses por ano, desde 25,5 anos en 2040 a 26,5 anos en 2043. A partir de 2044 desparecerá a posibilidade de elixir entre os 25 e 29 anos: só se calculará con 27 anos cotizados.
Subida progresiva no MEI
Inclúese unha subida progresiva do Mecanismo de Equidade Interxeracional (MEI).
Amplíase a cobertura das lagoas de cotización
A cobertura de lagoas de cotización, que son os períodos nos que non se cotizou ou se fixo por baixo das bases mínimas, mellórase para as mulleres e o complemento da fenda de xénero subirá un 10% adicional á súa revalorización anual en 2024-2025. Así, os baleiros de cotización compensaranse co 100% da base mínima o primeiros catro anos. Para as traballadoras por conta allea engádese o 100% da base mínima entre o mes sen carga 49 e o 60 e o 80% da base mínima entre o mes número 61 e o 84.
Aumento das bases máximas e subida das mínimas contributivas
Haberá unha subida anual de 1,2 puntos porcentuais da base máxima de cotización desde 2024 e ata 2050. Doutra banda, a partir de 2027, as pensións mínimas non contributivas non poderán ser inferiores ao limiar da pobreza calculado para un fogar composto por dúas persoas adultas. O obxectivo é que a pensión mínima de xubilación contributiva alcance ao en 2027 os 16.500 euros anuais, o que supón un 22% máis que agora. As pensións mínimas non contributivas tamén subirán co IPC e incrementaranse cada ano, no mesmo período e polo mesmo procedemento, pero multiplicarase por 0,75 o limiar da pobreza dun fogar unipersoal.
Redución de xornada
Os tres primeiros anos de excedencia ou de redución de xornada polo coidado de familiares de ata segundo grao de cosanguinidad ou afinidade (fillos, irmáns, avós e netos) consideraranse cotizados.
Cota de solidariedade
É un termo novo e unha das principais novidades da reforma e o seu obxectivo é garantir o sistema de pensións ao mellorar os ingresos da Seguridade Social e o seu carácter redistributivo. Trátase dunha nova cotización que se aplicará de maneira progresiva desde 2025 e sobre a parte do soldo que supere a base máxima. A cota de solidariedade afectará a tres tramos de salarios. Así, aplicarase unha cota de solidariedade de:
– 0,92% aos salarios que vaian da base máxima a un 10% superior.
– 1% aos salarios que vaian do 10,1% da base máxima ata o 50%.
– 1,17% aos salarios que superen o 50% da base máxima.
Persoas autónomas
A reforma das pensións traerá unha boa noticia a este colectivo: a cobertura das lagoas de cotización beneficiará a aquelas persoas que as teñan por un cesamento de actividade, terán unha cobertura de seis meses co 100% da base mínima de cotización e están exentos da cota de solidariedade.
Se tes máis dúbidas, podes consultarnos a través do Igape Responde.