O teu negocio está a tempo de solicitar as axudas que ten en marcha o Igape – Instituto Galego de Promoción Económica.
No caso de que busques realizar accións de promoción no exterior, ata o MARTES, 19 de marzo, está aberto o prazo do Galicia Exporta Empresas. Son os últimos días para solicitar as axudas deste programa que, entre outros aspectos, ofrece apoios ás empresas para o deseño de catálogos ou a participación en feiras.
Hai outras axudas ás que pode optar o teu negocio:
- Contratación de xestores de internacionalización, ata o 9 de xullo
- Axudas a startups: ata o 30 de setembro
- Apoios para a atracción de empresas a Galicia: ata o 30 de setembro
- Préstamos para financiar investimentos produtivos e/ou circulante estrutural: ata o 30 de novembro
Ademais, o Diario Oficial de Galicia (DOG) publica hoxe bases reguladoras das axudas Foexga (fomento das exportacións galegas), así como a selección de entidades colaboradoras que participarán na súa xestión.
En todo caso, para estar ao día de todas as axudas e dos prazos, convidámoste a seguir o noso perfil no LinkedIn.