As Sociedades de Garantía Recíproca, SGR, son entidades financeiras sen ánimo de lucro, suxeitas á supervisión e inspección do Banco de España. Posibilitan o acceso directo ao crédito en mellores condicións de prazo e de tipo de interese ás pemes e autónomos, conseguindo o financiamento para os seus proxectos.
As SGR están constituídas por socios partícipes, pequenas e medianas empresas, pemes, que son as beneficiarias do seu aval, así como, por socios protectores que son institucións que achegan recursos á SGR, mellorando a súa solvencia, sen dereito a solicitar garantías. En xeral, son Administracións Públicas, Cámaras de Comercio, Asociacións e Entidades de Crédito.
O obxectivo principal dunha SGR é facilitar o acceso ao crédito e mellorar as condicións xerais de financiamento ás empresas socias, tamén cumpren os seguintes obxectivos:
- Outorgar garantías e avais ás pemes.
- Negociar liñas financeiras.
- Canalizar e tramitar subvencións.
- Información e asesoramento financeiro aos socios.
- Formación financeira.
Tes máis dúbidas ao respecto? Solicita o teu asesoramento, sen custe, a través do formulario do Igape Responde.