Todas e todos escoitamos falar dos Key Performance Indicator (KPI), pero…
Que é un KPI en castelán (ou galego)?
Un KPI é un Indicador Chave de Desempeño, nunha frase: as métricas que se observan para ver se os procesos desenvoltos no noso proxecto ou actividade foron eficaces ou non.
E para que serven?
Ao ver métricas resumo da eficacia das nosas accións podemos tomar decisións de como seguir desenvolvendo o noso proxecto ou negocio dunha forma o máis axeitada posible.
Que características deben ter os KPIs?
Para que sexan realmente útiles, os KPIs seleccionados deberían reunir as seguintes características:
- Estar vinculados aos obxectivos da empresa. Van permitirnos saber se estamos realmente cumprindo os nosos obxectivos.
- Ser medibles de maneira cuantitativa. É dicir, deben poder ser expresados de forma numérica.
- Ser alcanzables. Teñen que adaptarse á realidade da empresa.
- Ser relevantes. Deben ofrecer información que realmente contribúa á toma de decisións.
- Ser comparables. O obxectivo é que se poida facer un seguimento deles ao longo do tempo, incluso (sería o ideal) respecto a outras empresas do noso sector.
Exemplos de KPIs
A continuación incluiremos algúns exemplos de KPIs por áreas de negocio:
- KPIs de vendas
Nivel de facturación
Nivel de compromiso e motivación do equipo comercial
Satisfacción dos clientes
Número de visitas pechadas
- KPIs de loxística
A loxística representa un elevado custo ligado á fabricación e comercialización dos produtos en certo tipo de empresas (por exemplo, empresas industriais, empresas de retail…).
Prazo de aprovisionamento
Custo do transporte sobre vendas
Entregas a tempo
Rotura de stock
- KPIs de produción
Estes indicadores están moi relacionados cos de loxística e son fundamentais para favorecer a mellora constante dos procesos de produción de calquera empresa.
Horas traballadas en produción
Tempo de inactividade
Taxa de rexeitamento
Custo medio da orde de compra
Tempo de ciclo de produción
- KPIs financeiros
Estes KPIs miden o crecemento, redución de custos, aumento de beneficios e a boa utilización dos recursos da empresa.
ROI (Retorno do investimento)
Punto de equilibrio
EBIDTA (Earnings Before Interest, Taxes, Depreciation, and Amortization)
Apalancamento financeiro
- KPIs márketing dixital
Estes KPIs serven para medir o rendemento das operacións destinadas a conseguir leads (clientes potenciais), conversións en cada campaña en liña, etc.
Tráfico á web
Usuarios recorrentes e novos usuarios
Tempo de permanencia na páxina web
Taxa de rebote
Leads conseguidos
Subscritores
Número de seguidores nos perfís sociais
- KPIs retail
Consisten en indicadores que miden a evolución das vendas e as variables con elas relacionadas.
Cociente de conversión
Número de visitas
Horas con maior tránsito
Vendas por visita
Tícket medio
Grao de satisfacción
Por último, sinalar que a parte máis difícil dos KPIs non é entender o que son, senón aplicalos á nosa actividade dunha forma axeitada. Hai que coñecer ben o noso proxecto, as nosas actividades e obxectivos, para saber que Indicadores Chave de Desempeño medir, se os resultados son significativos, se posúen fiabilidade e validez, etc.
Algunha información xa publicada no Igape Responde que pode ser de interese:
Existen indicadores estándar que deben ter todas as organizacións?
Definir e xestionar metas do meu negocio: método OKR